Tembiasakue

YDMÑ heñói 16 jasypakõi 2004-pe, CMC 40/04 ñemoneĩ rupive. Omba’apoñepyrũ jasypo 2005-pe, oñombyaty’ypýrõ guare Paraguaýpe, Paraguái retãme

YDMÑ heñói mboyve, peteĩ aty Ad Hoc, Yvypóra Derécho rehe omba’apóva, omboguatákuri tembiapoita oñomomarandu hag̃ua hembiapo ha hembiasakuéra rehe, umi tetã pypeguavoi ojokupyty hag̃ua oñombyaty jave, ohechakuaa hag̃ua oñeikovẽtapa peteĩ kuatia Yvypóra Derécho rehegua Ñembygua Ñomoñemúgui guare (MERCOSUR /CMC/DEC Nº 26/03).

YDMÑ oñembyaty’ypy Paraguay távape, 4 jasypo guive 6 jasypo peve, 2005-pe, upépe oñemboaje Tembiapo Ñembohaperã oñe’ẽva Yvypóra Derécho Ñemyasãi ha Ñemomba’eguasúre Ñembygua Ñomoñemúme, ojeheróva “Yvypóra Derécho Vore”. Ñomoñemu Mbohapeha (ÑMB) omoneĩva’ekue jasypoteĩ 2005-pe. (MERCOSUR/CMC/DEC. N°17/05).

Ko kuatiápe, umi tetã Ñembygua Ñomoñemu ryepypeguavoi he’i oñopytyvõtaha oñemyasãi ha oñemomba’eguasu hag̃ua Yvypóra Derécho ha tekosãsonguéra hemimoĩmbykuéra rembiapo rupive.