Tekojoja, Mandu’a ha Añeteguáva Ñomoirũ’aty Akoiguáva

Oñombyaty’ypýrõ guare 2005-pe, Yvypóra Derécho Motenondeharakuéra, Ñembygua Ñomoñemu Mbojokupytyhakuéra ha Tetãnguéra hese ojoajúva oñemoneĩ ojejapotaha Tekojoja, Mandu’a ha Añeteguáva Tetã jerereguáva Amandaje, ñane rembiasakue ramo rehegua, oikótava YDMÑ 2ha ryepýpe. 2008-pe, YDMÑ 11ha jave oñombyatyñepyrũ Tapicha’aty omba’apótava Tekojoja, Mandu’a ha Añeteguáva derécho rehe.

2009-pe, YDMÑ omoneĩ rupi, tapicha’atýgui oiko Ñomoirũ’aty Akoiguáva, oñoipytyvõ mbarete hag̃ua opaite tembiapo Mandu’a ha Añeteguáva rehehápe, ombohasa rupi ojupe marandu yvypóra derécho jejahéi reheguáva; tojeheka ha tojeikuaa tapicha oñemokañy ha ojejukava’ekue retekue.