Mba’épa hína YDMÑ

historia raadh

Yvypóra Derécho Motenondeharakuéra, Ñembygua Ñomoñemu Mbojokupytyhakuéra ha Tetãnguéra hese ojoajúva Ñombyaty (YDMÑ) hína tetã rekuaikuéra oñomoirũhápe omboheko hag̃ua yvypóra derécho. Ko’ápe oñombyaty umi temimoĩmby motenondehára ikatupyrýva ko’ã mba’épe.

YDMÑ omba’apo Ñomoñemu Mbohapeha (ÑMB) poguýpe, ha ojesareko hembiapo rehe Tapicha’aty Omba’eporandu ha Oporombojokupytýva, ohesa’ỹijo ha omboguata hag̃ua hekópe yvypóra derécho (MERCOSUR/CMC/DEC Nº 40/04).

YDMÑ ryepýpe omba’apo mayma omotenondéva umi Motenondeha, Sãmbyhyha ha Moakãha térã ambue tetã remimoĩmby omba’apóva yvypóra derécho rehe; omoirũ avei ko’ã tembiapópe yvypóra derécho moakãhára térã ambue ha’éicha omba’apóva avei Tetãmbojokupytyhápe ha umi tetã ojoajúva hese ryepýpe.

YDMÑ oñombyaty ohasa rire poteĩ jasy, mburuvicha upejavegua poguýpe, umi tetã pypeguavoi ha hese ojoajúva ndive. Oñombyaty jave umi tetã pypeguavoi oñemoĩ peteĩ ñe’ẽme omboguata porã hag̃ua hembiaporãnguéra. Tetãnguéra Rembiaporãite Mbo`eha Yvypóra Deréchope Ñembygua Ñomoñemupeguáva oipytyvõ avei YDMÑ-pe.